Het-trik Velbeka sa dosta simbolike!

Het-trik Danija Velbeka Galatasaraju nosi mnogo simbolike i moglo bi se reći da na neki način ulazi u istoriju. On je postao treći igrač Arsenala koji je postigao het-trik, a ukupno tek šesti Englez kojem je to pošlo za nogom.

Fudbal 02.10.2014 | 19:45

Osim Velbeka, u dresu Arsenala het-trikove u Ligi šampiona postizali su Niklas Bentner i Tijeri Anri. Danac je to učinio 9.3.2010., a legendarni Francuz 27.11.2002. godine.

Interesantno, kao što je ovo bio treći het-trik za nekog igrača Arsenala, tako je bio i treći het-trik protiv ekipe Galatasaraja u ovom takmičenju. Prije Velbeka, Galatu su sa tri gola "ispraćali" Rušfelt iz Rozenborga 1998. godine i Kristijano Ronaldo u prošloj sezoni.

Nema puno Engleza koji su postizali het-trik u LŠ. Dani Velbek je tek šesti, a prije njega su to učinili Majk Njuel, Endi Kol, Majkl Oven, Alan Širer i Vejn Runi.