Izglasan opoziv Janukoviča

Ukrajinski parlament izglasao je opoziv predsjednika Viktora Janukoviča i raspisao prijevremene izbore za 25.

Republika Srpska 22.02.2014 | 16:45 Ukrajinski parlament izglasao je opoziv predsjednika Viktora Janukoviča i raspisao prijevremene izbore za 25. maj, javlja reporter B92 iz Kijeva. Trenutno se raspravlja i o mogućem hapšenju aktulenog predsjednika Janukoviča. Parlament, ukrajinska Vrhovna rada, prije rasprave o Janukoviču je proglasio za separatiste i naredio hapšenje zvaničnika sa istoka Mihalia Dobkina i njegove pristalice, koji su ranije danas osporili legitimitet odluka u Kijevu. Odluke koje donosi parlament ne priznaje ni predsjednik Janukovič. Istovremeno, "Raša tudej" javlja da šef diplomatije Rusije Sergej Lavrov "dijeli zabrinutost sa Francuskom, Njemačkom i Poljskom da opozicija ne može da ispuni svoje obaveze". Janukovič pokušao da pobegne u Rusiju Novi predsednik ukrajinske skupštine izjavio je da je Viktor Janukovič ranije danas pokušao da se ukrca u avion za Rusiju, ali da je u tome sprečen, prenosi BBC. On je naveo da se Janukovič sada nalazi u regionu Donjecka. "On je pokušao da uđe u avion za Rusiju, ali su ga graničari sprečili", izjavio je za Interfaks Aleksandar Turčinov.