Janukovič prihvatio ostavku premijera

Predsjednik Ukrajine Viktor Janukovič prihvatio je ostavku Mikole Azarova na položaju predsjednika vlade.

Republika Srpska 28.01.2014 | 17:12 Predsjednik Ukrajine Viktor Janukovič prihvatio je ostavku Mikole Azarova na položaju predsjednika vlade. "Donio sam odluku da od predsjednika zatražim da prihvati moju ostavku na mjestu premijera da bi došlo do političkog kompromisa i mirnog rješenja sukoba u zemlji", naveo Azarov u saopštenju. Prema riječima Azarova, stanje nastalo u zemlji ugrožava ekonomski i socijalni razvoj Ukrajine i nosi sa sobom prijetnju čitavom ukrajinskom društvu, prenijela je agencija RIA "Novosti". On je poručio da je "najvažnije sačuvati jedinstvo i cjelovitost Ukrajine i da je to daleko važnije od ličnih planova i ambicija". Ukrajinu već dva mjeseca potresaju sukobi i neredi, a kriza je pogoršana posljednjih dana nakon žestokih sukoba demonstranata i policije.